ياتميشام آمما اويانا بيلميرَم

ياتميشام آمما اويانا بيلميرَم

دؤزيولو،دؤز رسمي قانا بيلميرَم

ائيله ميشَم يوزميليار اختلاس

آخ! نَه دَن دير اوتانا بيلميرَم ؟

دوشدو دولو باشيما هي پول ياغير

بير چالادا دالدالانا بيلميرَم !

قوزاميشام سئل گئتيرَن پوللاري

آمبارين آلتيندا سانا بيلميرَم !

عقد ائديرم قحبه، دول آروادلاري

قيزلارين عشقيندَه يانا بيلميرَم !

من گئديرَم «روسيه» دَه كئف چكيم

يوخسول آدام گلدي جانا؟بيلميرَم

ايستَه ييرم «رَم»،«كانادا»يا گئديم

پيس دي بو كشور دايانا بيلميرَم

مملكتين يوللاري لاپ اگري دي

داغلاري داغ دي دولانا بيلميرَم

ايشلري ناقص دي، يالان سؤزلري

دؤندو بو ميللت يالانا؟بيلميرَم !

قورخوجو،سون سوزدو قارانليقللارا

باز ايشيق ؟ آي جالانا؟بيلميرَم !

قحبه فلك قدريميزي بيلمَه دي

ائششگي ساتدي پالانا؟بيلميرَم !

#عليرضا-رضائي

#كل-اوغلان

#غزل-طنزآميز-تركي

turkcetanzler@

https://www.instagram.com/alireza_rezaei1349