قویما غم بیزی چالسین
سئودا گؤلو سارالسین
قاییت گل قوجاغیما
قوی دونیا گؤزل قالسین
Qoyma qəm bizi çalsin
Sevda gülü saralsin
Qayet gel qucağima
Qoy dünya gözəl qalsin

دوست، دشمنی اؤلدورر
باش بیلنی اؤلدورر
وارلیغین آغیرلیغی
بیر گؤن منی اؤلدورر
Dost, düşməni öldürər
Baş biləni öldüər
Varlığın ağırlığı
Bir gün məni öldürər

حوزونلو اولما دئدی
آغلا،یورولما دئدی
یار منی بوداغیمدان
قوپاردی،سولما دئدی
Hüzünlü olma dedi
Ağla yorulma dedi
Yar məni budaqımdan
Qobardi,solma dedi

سئوگی، انسان، یاخشیلیق

دوزلوک، ایمان، یاخشیلیق

چوخداندیر بوردا اؤلوب

شرف، ویجدان، یاخشیلیق

قارما-قاریشیق اولما
هر کیمَه عاشیق اولما
آنلاماز،کؤر آداما
گؤنش،آی،ایشیق اولما
qarmaqarışıq olma
Hər kimə aşıq olma
Anlamaz, kor adama
Günəş, ay, işıq olma

آزاد یا اسیر اولسان
یوخسول یا امیر اولسان
اؤلوم سنی سیندیرار
داش اولسان، دمیر اولسان
Azad ya əsir olsan
Yoxsul ya əmir olsan

Ölüm səni sindirar
Daş olsan, dəmir olsan

گؤسترمز علاجی نی
کسمز دار آغاجی نی
هئچ کیم درک ائده بیلمز
ایچیمده کی آجی نی
gösterməz əlacını
kəsməz darağacını
heçkim dərkedə bilməz
içimdəki acicını

عشق دن گؤزل پاییم وار
جننت ده ساراییم وار
ائل-عالمین بیر آیی
منیم ایکی آییم وار
Eşqdən gözəl payım var
cəətdə sarayım var
el-aləmin bir ayı
Mənim iki ayım var