آخرین مطالب
امکانات وب
قوزادیلار هرزادی جان اؤغرولار
آه!یامان اؤغرولار!
وئرمه دیلر خلقه آمان اؤغرولار
آه!یامان اؤغرولار !
جازلادیلار شورتو،گودَه تومّانی
ایستیکانی؛فینجانی!
باخمادیلار یاپما یاپان اؤغرولار
آه!یامان اؤغرولار!
پارچالاری قؤزادیلار،بیچدیلر!
طؤی داعرق ایچدیلر!
وئردیلر آخشاملار اذان اؤغرولار!
آه!یامان اوغرو لار!
گؤل،چیچك احساسا زیان ووردولار!
هردوروما دوردولار!
ایله دیلر عقلی تالان اؤغرولار!
آه!یامان اؤغرولار!
قلبیمیزی آغری اؤلوب سیخدیلار!
جامعه نی ییخدیلار!
زلزله،سئل،داغدا دومان اؤغرولار!
آه!یامان اؤغرولار!
خوش باخاسان معلوم اؤلار اؤخدولار!
رشوه آلیب،سؤخدولار،
...لره هر یئرده تیكان اؤغرولار!
آه!یامان اؤغرولار!
سایغی لاری وار،كیشی ، خان اؤلدولار!
خالقا «باخان»اؤلدولار!
سئل كیمی هریئردن آخان اؤغرولار!
آه!یامان اؤغرولار!
باخمادیلارریوخسولا،وارلی لارا !
یؤللادیلار انبارا!
«زانتیا»،«پیكان »و«ژیان »اؤغرولار
آه ! امان اوغرولار !
یؤلچولاری،جاده لری میندیلر!
ساده لری میندیلر!
هَر دوروم وچاغدا چاخان اؤغرولار!
آه!یامان اؤغرولار!
آهنی،ماشین دالینا آتدیلار!
ياش كفنی ساتدیلار!
هر گئجه لرقبری قازان اؤغرولار!
آه!یامان اؤغرولار!
ساخلادیلار ائوده قوجا اؤغرونو!
باشی اوجا اؤغرونو !
چونكی مریض اولدو جاوان اؤغرولار !
آه!یامان اؤغرولار!
ائششگی ایدی سِئومَلی ماشین لری!
خشت ایدی بالین لری!
وارلاری«لگزوز»و «مگان»اؤغرولار!
آه!یامان اؤغرولار!
رحم ائله میرلر آجورا،كَرپیچه !
واشره،شیر،سرپیچه!
عشوه ساتان یونجا،سامان اؤغرولار!
آه!یامان اؤغرولار!
آی تالان اؤلموش ائلَمَه ناله سَن!
چك یاشووا ماله سن!
بیز گئدریك بوردا قالان اؤغرولار!
آه!یامان اؤغرو لار!
ات سيز،دوگوسيزسفره گولوستان اولابيلمز...
برچسب : نویسنده : keloglan بازدید : 123