ليلاني سئوير اونو بوراخمير
بیر آیری قیزا اؤلوردَه باخمير
توتدو ياخاسين ، توپوردو :«ائششك»!
ليلاني بوراخ ،گل اوندان ال چك !
بنزير بو قيزين گؤزی سيچانا !
راست لاشمادا بو قارا ايلانا !
نادان قودوقي گل ايشه چكمه !
هي دامدا اوتورما شيشه چكمه !
دونقوز دده سي پاخيل آدامدير !
ليلي اؤزوده كسيل آدامدير !
گؤزله ! گئده ، منجلابه انمه !
ال ساخلا ، يازيق ،كؤمور به ينمه »!
مجنون كي بو سؤزلري ائشيتدي
ووردي دده سين ؛ باشين داغيتدي !
فورا اونو بير جاوالا تپدي !
بنزين گتيريب جاوالا سپدي !
يانديردي آتاسيني تيكان تك !
چكدي آتاسین اوتا ژيان تك ،
وجداني اونو ملامت ائتدي !
بيچاره كلانتري يه گئتدي !
باشدان باشا يازدي ماجراني
آغلاتدي پليسي ، پاسباني !
زيندانا آپارديلار «نظامي»!
قانماز اؤکوزی،سفيه آدامي !
ليلا ني ده آلدي بير گول اوغلان !
بو ساتيريك حيكايه مه گول اوغلان !..
قارداش اوخوما حيكايه می سن !
دوز سَپمَه موشم حيكايه مه من
برچسب : نویسنده : keloglan بازدید : 124