آدامليقدان چيخيرسان بعضي گونلر

آدامليقدان چيخيرسان بعضي گونلر
اولورسان عين حيوان بعضي گونلر!

قاپیرسان ایت کیمین بير گون سحردن!
دئييرسن هي منه «جان»بعضي گونلر!

ناماز قيللام سنين دالينداهردن!
دورور داليندا شيطان بعضي گونلر!!

يالاني ترك ائديب هرايلده بيرگون!
ویریرسان طعنه؛بهتان بعضي گونلر!

بوخلقين حالينا گؤزدن آخير ياش 
اورَكدنده آخير قان بعضي گونلر!

ياديندان چيخماسين بير شي اوغورلا!
اوغورلوق ایله اوغلان؛بعضي گونلر!

تويوقلارسينه سي آزغين ائديب دير 
مني گمراه ائديب ران بعضي گونلر!

يازيق افكاريمين شلواري يوخدور!
گزيرشعريمده عريان بعضي گونلر!

چاپيب زاهد بو نادان،ساده خلقي 
مينيب بو مردمي خان بعضي گونلر!

اوميديم وار كي اولسون ياخشي حاليم 
تاپیلمیر درده درمان بعضي گونلر!

چكيراؤز يانيناكافرجماعت 
مني؛هم اهل عرفان بعضي گونلر!

توكوب دور كاميمه زهرآي جماعت
سيزين تك چرخ دوران بعضي گونلر!

مني هردن سايار«بايرام حامامچي»!
وسايمازهئچ بيرانسان بعضي گونلر!

گليب جولان وئريرائششك آداملار!
اولور ذهنيم اتوبان بعضي گونلر!

اداره باشقاني ارباب رجوعا
دئدي كي«گئتدي ايمان بعضي گونلر!

ساريلديم «شبنمه»دفترده بيرگون!
آپاردي عقلي«ريحان»بعضي گونلر!

منه وئردي بيرينجي رشوه جنسي !
ايكينجي شخص،فرمان بعضي گونلر»!!

قارا بخت انسانين بختي آچيلدي!
گتيردي شانس دالدان بعضي گونلر!!

آزغين :گمراه//يازيق : بينوا // ساريلماق : درآغوش گرفتن و...// بيرينجي :اولين//ايكينجي : دومين//

اداره باشقاني