آخرین مطالب
امکانات وب
تاريخ : سه شنبه دهم مرداد ۱۳۹۶ | نویسنده : عليرضارضائي«كل اوغلان»
قهر ائديب پير و جوانه اهرين زلزله سي
عالمي گتدي فغانه اهرين زلزله سي
ورزقان شهرينی ييخدي؛هريسی ائتدي وئران
يئنه قاتدي قاني قانه اهرين زلزله سي
اولدوروب كؤرپه ني،آغ ساققالی؛آغ بیرچگی دَه
باخمادی خانه؛چوبانه اهرين زلزله سي
توكدو يارپاق كيمي اينسانلاري ظولمیله يئره
اوخشادی باد خزانه اهرين زلزله سي
مردمين كونلونو يانديردي؛یامان ائتدي كباب
اود ويران واختداتيكانه اهرين زلزله سي
تازه دامادیله،تازه گليني اؤلدوردو
قوجاني سالدي زیانه اهرين زلزله سي
باخمادي فقره،اوروج آغزا،ساري رخساره
شب قدره،رمضانه،اهرين زلزله سي
كيمسه سيز خلقین ائوين ييخدی؛داغیتدی كؤكدَن
ویردی اود خورد و کلانه اهرين زلزله سي
پايه سيز ائولري ديوانه فلك ويردي يئره
گوجونو قويدو كمانه اهرين زلزله سي
قيزلارين ياخشي تخيّوللاري،رؤيالاريني
دؤندریب گؤرنه يامانه اهرين زلزله سي !!
من كي تصوير ائده بيلمم بو يامان فاجعه ني
وصفی گلمز که بيانه اهرين زلزله سي
اردبيل شهريني؛گيلاني تكان وئردي تمام
گلدي قزوين؛همدانه اهرين زلزله سي
يئنه بو زلزله بش گؤنده چيخار يادلاردان
کاش مسئوللار اويانه....اهرين زلزله سي !!!!!!
عليرضارضائي
، كل اوغلان،
22/5/1391دوشنبه عصر
برچسب‌ها: اهرين زلزله سي