آخرین مطالب
امکانات وب
حيدربابا تغيير ائديب زامانا !
بیتلر گليب گيريب بيزيم تومانا !!
حيدربابا قيز اوغلاندان اوتانمير !
فلك بيزيم آرزيميزا دولانمير !
بوش ال لَری ؛ بيكارديلار كيشي لر !
قیناییرلار اِرکک لَری ديشي لر !
مؤمن لر كي دايم ال ،يوز يوئورلار!
بازارلاردا يامان دري سويورلار !
حيدربابا قول قيچيميز قيريلدي !
چوخ باغيشلا هر زاديميز جيريلدي !
گول ، چيچكي بوستانلاردا ازيرلر
قيزيل ایلان چاتلاقلاري بزيرلر !
حيدربابا تويوق ييماق چتين دير
يومورتانين شانه سي يئددي مين دير !
بنزين باها اولوب گؤر بو مسلگي :
«مشدي حسن» گازي ائديب ائششگي !
رستم بو دونيايا بير يول آچوبدور
قيمت لري گؤرجَک ، قؤيوب قاچوبدور !
ائو قيميتين قولاغينا دئييب لَر !
چؤخ «بيژن»لَر قويودا گيزله نيب لَر !
حيدربابا گل ائشيت ايندي بونو :
عمل ائديب «كلثوم ننه » بورنونو !
«خجّه سلطان» گؤزل ائديب صاندیقي !
يوقون گؤتون گئديب ائديب فیندیقي !!
آينا قاباقيندا دوروب قیر وئرير !!
هي اؤزونه آفرين ؛ احسن دئيير !!
اؤ اؤغلان كي یئیه ردی سود «قايماقي»!
باشارمادي كـَـت ده داوار يايماقي ،
گئديب «بانك رئيسي» اولوب ، قولاق آس:
اون آلتي ميلياردی ائديب اختلاس !!
حيدربابا بوردا اولوب دين ؛ تومن !
يوز مين تومن اولوبدور تَک مين تومن !!
او انسان كي اؤلوب قالین دريسي !
دونیادا وار پريله بربريسي !!
سينیر باشي ، قابيرقاسي ، قيچ قولو
بو دونيادا هركس گئدیر دؤز يولو !
ايسته ييرم قاچام گئدم ماغارا !
تك قالميشام اؤزوم قاليب دووارا !!
حيدربابا توكندي ماجرا ميز
ايستي سودان چيخانمادي باباميز !!
«حيدربابا» تاخما ديشين تاخاندا !
دامدان گؤزل قونشوموزا باخاندا !
مامورلرين كتك لرين سال يادا !
گؤزلرين تيك ،باخما گؤزل آروادا !
«حيدربابا » آلزايمر توتموشام من !
گؤزل تاريخيمي اونوتموشام من !
«حيدربابا » بئكار گزير اوغلوموز !
بوغون قيرخيب ،قاش آلدیریر اوغلوموز !
نازيله يول گئدير ، اولوب ماماني !
خياباندا گؤز چيخاردير توماني !
«حيدربابا »«بابا ايمان » جان وئرير !
ائششك هورور ،باغلاردا ايت آنقيرير !
«حيدربابا » اخلاقيميز پوزولدو !
غيرت اؤلدي ،ياخشي يامان توز اولدو !
چرچي لره دوداقدان هم ياناقدان
بورجلو قادين وئرمه لي دير قاباقدان !!
«حيدربابا» باشيميزي قاتيبلار !
يول كسن لر ذيروه لره چاتيبلار !
حيدربابا كيشي ، قديم كيشي لر !
قورخاردي اونلاردان بوتون ديشي لر !
بيزده كيشيليكدن بير آد قاليبدير !
آرواديميز جانيميزي آليبدير !
بير كيشي سؤيله دي منه: آرواديم
پيققيلدايير تئز ایسلانیر هر زاديم !
باشيما آرواديم چالير وَردَنـَـه !
آغلاييرام هي دئييرم : آي نَـنـَه !!
«حيدربابا » تويوقلارا چاتاندا !
كورچ تويوقی دوتوب ياواش ساتاندا
دعا ائله منيم ايچين دوغروسو
منده اولوم کورچ تويوقلار اوغروسو !
«حيدربابا »خلقَه مني چوغورلور
يومورتا اوغروسو ، دَوَه اوغورلور !
حيدربابا» قونشوموز اولدو دارا !
يوز ايلليك بوش جيبينه دولدو پارا !
زَمی یئرین ساتيب آليب « زانتيا»
قودوق مينن پينتي مينير « ماكسيما « !
مينديريبدور اوغلی؛ بير اؤزلی قيزي
ويراژ وئرير ذرّه جه سايمير بيزي ! !
برچسب‌ها: نقيضه اي بر حيدرباباي شهريار ات سيز،دوگوسيزسفره گولوستان اولابيلمز...